Ua faailo ele prop ale Wallabies, Daniela Tupou ua sauni mo se suiga pe a maea lana konekarate ile maea ole ipu o le lalolagi I le tausaga fou. Ole faatalanoa a le alii taalo ma le Wide World of Sports na faamanino ai ua sauni e faalautele ona apaau taalo I le taaloga.

Lipotia e le 9 Sports na faailoa e Tupou o loo talosagaina o ia e le Wallabies e toe nofo mo nisi tausaga faaopoopo ma fai mai le alii taalo o loo iai le tausaga lenei ma le tausaga fou o lona uiga e le o iai se faavave e saini se maliega I le taimi nei .

Taua I le lipoti o Tupou leisi alii taalo o loo matuai saili avanoa mai iai le tele o kalapu ma o le tulaga lelei mo Ausetalia ona o loo taua o loo avanoa pea Tupou ise ituaiga maliega e faigofie ona fetuunai tali tutusa male konekarate a le alii kapeteni o Michael Hooper lea na avanoa ai e taalo mo se taamilosaga I Iapani ile tausaga talu ai.

Fai mai Tupou e selau pasene lona naunautaiga e taalo I se kalapu I atunuu I fafo ise taimi o lana taleni ile lakapi. O le 2014 na malaga mai ai Tupou mai Niu Sila I Ausetalia ma taalo ai mo le Queensland Reds talu mai le 2015.

Fai mai a ia ua ia lagona ua oo I le taimi e fai ai se suiga.