O loo faaauau pea galuega e toe faaola ai le eletise mo aiga aafia ona o le louloua o le tau na iai le faaiuga o le vaiaso ona o faiga a Dovi
E oo mai anapo e tusa ma le 5000 aiga i vaega eseese o Aukilani ma le isi faitau afe i le ogatotonu o le North Island o loo pogisa pea i le leai o se eletise
Mai le pulega a le Vector o lea o loo ave la latou faamuamua i le toe faafoisia o le malosiaga tau eletise i falemai ma fale o iai tagata matutua ma o loo sologa lelei galuega toe faaleleia
O nisi o aiga o le faaleagaina o laina le isi mafuaaga o le umi o pogisa ona o le tele o galuega e toe fia faia
E ui o lea na tele ina lagi lelei ananafi ma to’a mai le savili, peitai o le tele o le laau toulu lea na alu ai le taimi o le au galulue
Ua sau ai foi ma fautuaga i soo se aiga e latalata I laau tetele e faaeteete ma mataalia ina nei pau pe touulu foi lala ma aafia ai
Ua sau ai ma tala e ono oo atu i le vaiaso atoa galuega toe faaleleia e faaola ai le eletise i nisi vaega o Niu Sila
