O le a mafai ona vave faia tui o le Koviti mo I latou e moomia le malaga I atunuu mamao mo manaoga faapitoa
O lea ua faasolo tui mo I latou e galulue I tuaoi ma o latou aiga, ma a maea o le a faasoo ai loa Ie au faigaluega ua taua o frontline workers ma I latou e maualuga le tulaga lamatia I le Koviti, ma ua faatulaga mai ai le atunuu lautele e faatoa amata faia o latou tui ia Iulai
Peitai, o le aso ananafi lea na faia ai le faaiuga a le malo o le a iai le faatagana mo I latou e moomia le tuua o le atunuu ae e le I oo I le aso 31 o Aukuso e mafai ai ona vave faia o latou tui o le Koviti, ma e le o mafai ona saofaga ai I latou faatoa taunuu mai atunuu I fafo e tusa saunoaga a le minisita o le Koviti, Chris Hipkins
O aiaiga o loo talia ai le vave faia o tui, muamua, moomia le malaga e vaai se tasi o lou aiga vavalalata poo le immediate family e le o toe umi se taimi e soifua ai; lua – moomia togafitiga tau soifua maloloina e le o mafai ona maua I totonu o Niu Sila, ma le tolu – o lou malaga e vaai se tasi o lou aiga ua taua o dependents
O loo sau ai foi I lea faatagana tuutuuga e mafai ai ona faimalaga I latou I galuega faalemalo
O lenei faatagana ua toe faamanatu ai le minisita, e le o mafai ona alu ai se tasi e malaga mo tafaoga
O le aotelega o lenei faaiuga o le a maua mai I aso o I luma, ma e amata tatala le avanoa mo talosaga I le Aso Lulu o le vaiaso a sau
