O Sekope Kepu lea o le a kapeteniina le Moana Pasifika I lana uluai taaloga o le Super Rugby Pacific . O Kepu sa avea muamua ma prop a le Wallaby na taalo mo tests e 110 mo Ausetalia, o lana taaloga mulimuli ile 2019.
O le Blues lea e muamua taaalo ma le Moana Pasefika ile taaloga e faia I Mt Smart Stadium I Aukilani.Fai mai le faiaoga o le au e lei faigata le filifiliina o Kepu ona o le tulaga o lona tulai mai I le taaloga, o le auala e toleni ai ma sauni mo taaloga aemaise o lona sao I le aganuu a le au,
Ua faamaonia mai foi e le NZ Rugby pei ona lipotia ile RNZ Pacific o le a agai uma au e ono o loo faamautu I NIu Sila I Queenstown mo le masina fou ma le agai atu ile llumanai.O le mafuaaga e pei ona taua I le lipoti ina ia faaitiitia lamatiaga mai le koviti .
Fai mai le Komiti o le ave uma o au I se nofoaga mautu e talitonu o le a lelei sona tulaga ile puipuia lea oi latou mai le faamai pe ono avea foi ma close contacts o nisi e aafia. O le vaiaso fou ua fuafua e faatino ai lea tulaga ma tumau ai pea I Queenstown mo le tolu vaiaso muamua o le taamilosaga.
