Search
nz money

Fai mai Reti e maumau tupe a le au totogi lafoga ile campaign o loo faia nei e saili ai tausimai pasi mai fafo

O se taumafaiga sa agai I le sailia o ni tausimai pasi mai atunuu I fafo mo Niu Sila ua faailoa ise lipoti ile aso e nao le toatolu tagata na mafai ona faafaigaluegaina I totonu o le lua masina talu ai.

O le polokalame e 300 afe lona tau pei ona lipotia e le RNZ, sa faatuina ina ia aumaia ai tausimai pasi aemaise lava mo gasegase tigaina ina ia toe foi mai ile atunuu e galulue ai. O se tulaga o loo matuai manaomia aemaise I lenei vaitau o loo matuai toalaiti le aufaigaluega.

E oo mai I le aso faraile talu ai e nao le 93 talosaga ua maua atu ma o le 22o ia talosaga ua tuuina atu i pulega o falemai faaitumalo, mai le toa 22 e nao le toatolu ua faigaluega I le taimi nei.

Fai mai le minisita o le soifua maloloina Andrew Little pei ona lipotia o loo fiafia I le tulaga ua ausia I le taimi nei ma o le campaign ia o loo fuafua faatoa faamaea I le faaiuga o Iuni. Peitai fai mai le sooupu a le National mo mataupu tau le soifua maloloina, Shane Reti, masalo o loo miti le minisita pe afai o lona finagalo lea o se tulaga lelei o loo iai le campaign ile taimi nei, o lona manatu o se matuai maumau o tupe a le au totogi lafoga I lea faiga lea ma e le o foia ai le faafitauli o loo feagai male atunuu.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required