Ua faia’ina le apili a le UBER i le faamasinoga ina ua lagolago e le Faamasinoga o Apili avetaavale Uber e to’a 4 i le latou finau e tatau ona faia i latou faapei o ni tagata faigaluega ae lē na o ni aukonekarate.
O le faai’uga na faia i le mataupu lea i le 2022 e le Faamasinoga o Galuega lea foi sa malo ai le finau a avetaavale.
E ui la o le faai’uga na faia sa apalai lava na o avetaavale ia e to’afā na finauina le mataupu ae mafai ona iai ni ona aafiaga i isi ave Uber ma i latou e iai a latou konekarate.
O tagata faigaluega (employees) o loo maua faamanuiaga poo penefiti e lē o maua e i latou o loo faakonekarate a latou galuega.
E maua e i latou o loo avea ma tagata faigaluega, penefiti e pei o livi, totogi maualalo o galuega, holiday pay ma isi.
Fai mai faamasino o le faamasinoga o le itu tāua e ao ona faamauina, e manatu tagata o le ave Uber o loo login i le driver app ma e leai se isi avanoa i lea avetaavale e faatino ai nisi pisinisi mo ia lava.
Ua ta’ua i le lipoti a le Herald o nisi suiga e faia e le malo i le tulafono o iai nei i ituaiga auaunaga faapea faato’ā mafai ona apalai i le lumanai ae mo le taimi nei e faaaogā pea le tulafono o iai lea ua faia ai le faai’uga o ave Uber o ni tagata faigaluega ae lē o ni contractors.
Puna o Faamatalaga: https://www.nzherald.co.nz/business/uber-loses-landmark-appeal-court-rules-drivers-are-employees-not-contractors/JDXF52QBBBHPJIQJNFNGYC4JOE/
