Faatoa tolu vaiaso talu na aumai le masini mai Europa mo siaki o le Koviti, ao lea ua gaoia
O le Aso Toonai faatoa uma na gaoia ai le lab suesue I Parnell I Aukilani a le Pictor Limited ma ua alu ai ma le masini ua taua o le reader
O lea na oka faapitoa mai Europa le reader, ma o se meafaigaluega e le aoga I se isi vagana ai suesuega I totonu o le lab
O le faigata o lea masini e le mafai ona suia e se isi masini vagana ai ua toe oka mai Europa lea e oo atu I le masina o faatali ma atili tuai ai suesuega o le Koviti
E le na o le reader na gaoia, ua o foi ma isi meafaigaluega faapea masini laptops
E maua atu e se tasi o saienitisi le ofisa I Parnell o loo tu le isi kololi tumu ua uma ona uta faapea ai ma le tv, foliga mai o lea na faamoemoe e toe foi atu le gaoi faauma
Ao suesue ai e leoleo, o lea ua ofo mai le taui tupe e $500 I soo se tasi e mafai ona faafoia mai le reader fou
