Ua molimauina ile aso loimata o le fiafia male faafetai o le toatele o pasese na toai taunuu mai e le gata I le malae vaalele faavaomalo I Sini ae faapea foi I Brisbane, Melepone ma isi pito o Ausetalia ina ua aloaia ile aso le toe tatala ai o tuaoi faavaomalo o le atunuu.
O feiloaiga a aiga ma uo ua leva ona valavala ona o le koviti aemaise o tagata faigaluega I kamupani vaalele ma auaunaga I malae vaalele ina ua foliga ua toe foi le atunuu I le tulaga sa iai ao lei oo mai le faamai.
Finagalo faaalia o nisi o pasese e pei ona faailoa I talafou I le taeao analeila ua taua ai na pau le tulaga sa iai le manatu o le vave ia ona tuvae mai faigamalaga sei feiloai ma aiga aemaise o nai fanau ua silia I le 2 tausaga o valavala ona o sa I femalagaaiga.
Saunoa le minisita o Tulisi a Ausetalia o se vaaiga matagofie le aso imalae vaalele faavaomalo ile atunuu e le gata mo aiga ua toe fesootai ae o pisinisi foi tau tulisi ma auaunaga faapea ua amata ona toe sologa lelei ina ua faia le faaiuga e toe tatala tuaoi o le atunuu.
O I latou o loo faataga ona malaga mai o tagata ua maea ona faia tuipuipui uma o le faamai ma e le manaomia foi ona faanofoesea. O tagata malaga e lei faia tuipuipui e manaomia ona faanofoesea mo le 7-14 aso e fua lava ile setete o loo malaga iai. E nao Ausetalia I sisifo o lootaofia pea ona tuaoi faatoa tatala I le aso 3 ole masina fou o Mati.
Fai mai e lata I le 60 faigamalaga faavaomalo e taunuu mai ile aso I Ausetalia ma o atunuu o loo matele ina sau ai faigamalaga e aofia ai Amerika, Kanata,Peretania, Singapore, le atu Alapi ma Iapani.
