E 5 atumotu, o sui o le Pacific Island Forum ua faatulaga o le a aofia i le polokalame a Amerika e faatatau i visa, le United States Visa Bond programme lea e mana’omia ai sui mai ia atunuu e tatau ona faaali se vaegātupe e ono oo i le 20 afe tālā Amerika ina ia mafai ai ona faimalaga i Amerika i le visa lē tumau, temporary visa.
Ua faailoa e le RNZ o atunuu e pei o Fiti, Papua, Tonga, Tuvalu ma Vanuatu ua aofia i lalo o le polokalame lea.
Faailoa e le malo o Amerika o lea faiga ua aogā tele auā ua faaitiitia ai tagata e ova aso i le atunuu.
Puna o Faamatalaga: https://www.rnz.co.nz/news/pacific/870865/five-pacific-states-face-permanent-us-visa-bond-requirement
