Ua oo foi i taimi pisi tele o le NZ Post. E 2.2 miliona faamomoli na feagai ma le aufaigaluega i le vaiaso talu ai ma o loo faamoemoe e pasi ma le 15 miliona faamomoli o lenei Kerisimasi.
A’o tele ai la faamomoli o lea ua faamautinoa mai e se tasi o sui o le pulega i Aukilani ua toe faaopoopo o le aufaigaluega galulue mo le na o le piriota lenei lea e faitau selau mai ‘aai eseese.
O le fale tele a le falemeli i Highbrook i Aukilani lea e tele ina o iai le tele o meli ae e lē i lafoina i soo se vaega o Niu Sila ma o le nofoaga ua taua, masalo o lea o loo iai le tele o faamomoli a le toatele o loo faatalitali mai.
A’o pisi ai la le falemeli, o le faamanatu ua sau nei o le taumafai ia track faamomoli, ia mautinoa e iai se isi i le fale e faatalia mai poo le lafo foi i lou fale faigaluega.
Ae mo feau tusitusia o loo tele ina faaaoga mai e le au taufaasese, ua toe faamanatu le falemeli e na te le lafoina mai ni feau tusitusia na o imeli.
