Ile faamanatuina ai o le Valentines Day I lenei tausaga ua toe faamanatu mai i tagata I lenei tausaga ia mataala ile au taufaavalea I luga o upega tafailagi aemaise lava I aso faapenei. Ua lipotia I le 9 News a Ausetalia ua oo atu ile 56 miliona o tupe ua maumau ona o faiga uo taufaasese I luga o upega tafailagi ile tausaga lava ia na tea nei.

Ile lipoti a le Scamwatch ua faailoa ai e 3400 valaau mo se fesoasoani na maua ane mai tagata ua aafia I nei faiga. Ua faailoa e le gata I lagona mafatia ma le faalumaina ae faapea foi ona faaopoopo atu iai ma le maumau o tupe I ia ituaiga mafutaga.

Fai mai le faalapotopotoga lea o loo latou mataituina tulaga ia, le Scamwatch e taua tele lou fesoasoani mo nai ou aiga ma uo pe afai o e silafia o loo auai ini mafutaga e faia I luga o upega tafailagi ma talatalanoa I auala e faigofie ai ona iloa poo ni faiga taufaasese.

Fai mai e muamua ona taumafai mai e faamautu se fesootaiga ma oe I luga o upega tafailagi ona sosoo ane ai lea ma le faia mai o se faamatalaga e manaomia ai le lafoina atu o se tupe mai ia oe mo se meaalofa poo se fesoasoani mo ia.

O leisi ituaiga faiga taufaasese e aofia ai le taumafai mai ise auala e te lafoina ai se tupe e inivesi ise faiga e aofia ai le cryptocurrency.Faamanatu mai le Scamwatch ma leoleo e ao ona mataala, aua foi le naunau ise mafutaga ae uma ane ua maumau ai lau seleni.