Fai mai sa malosi lava ma soifua maloloina se tamaititi 2 tausaga lea ua aofia nei i tagata e toafa ua faamaonia ua maliliu mai le koviti 19 i totonu o Niu Sau Uelese ile aso.
O le lipoti lata mai a le Soifua maloloina ua taua ai o le tamaititi lea lua tausaga, atoa ai ma ni tamaitai se toalua ma se alii e toatasi, I latou ia ua faamaonia le maliliu I le aso ananafi ae o loo faamauina i lipoti o le koviti I le aso mai Niu Sau Uelese e toafa ua maliliu ma le 14,970 o tagata ua faamaonia le aafia.
I Vitoria e leai se soifua ua maumau mai le koviti ae 7,531 tagata ua aafia ile faamai. Mo Tasmania e 1,304 ilatou uafaamaonia le aafia. O le ACT ua faamauina tagata e 898 ua aafia ma Kuiniselani e toalua ua maliliu ma le 6,206 o isi tagata ua aafia ile koviti 19.
