E tasi le fale o se aiga na sasao ane ai le afi ile aso ananafi ina ua taia e le uila ile taimi na aafia ai le setete o Niu Sau Uelese I uiga louloua o le tau. O le aso ua toe lapataia ai foi le setete i timuga mamafa ma matagi malolosi.
O le faaitu o Penrith ma isi vaega lalata ane na matuai aafia ile aoauli ananafi, lolovaia auala ma poloka ai taavale ma maitauina le tetele o uila ma faititili ma timu aisa.
O se taimi e lei mamao atu sa faailoa ai e le vaaitau o le a aafia foi le itu I sisifo o Sydney I tulaga lava faapea I le aso foi ma o faaitu e matele ina aafia e aofia ai Paramattam Bankstownm Fairfield, Horsely Park, Maroota, Wisemans Ferry ma Paxton ma e toatele foi nai tagata Samoa i pitonuu ia.
Fai mai le vaaitau o le vaiaso atoa lenei e timuga ile setete ma o le a faasolo atu foi I isi setete I ausetalia tulaga ogaoga ia o le tau mae silia ma le tolu afe fale ua motusia mai ai le eletise. O le fale na mu ile aso ananafi ei Glenmore Park ma o le tala fiafia e le o iai se tasi o lipotia mai na aafia ai.
