O loo faia suesuega a leoleo i se vevesi i le po o le aso Sa na tea nei sa tulai mai i le va o ni tupulaga o nuu o Fagafau ma Samata i tai i Savaii, ma ua lipotia ai le fano o le soifua o se taulealea ae o isi sa manunu’a i tau’aiga maa.
O le faamatalaga lea mai se molimau ose tasi sa iai i le taimi na tupu ai lea vevesi. E lei maua se faamatalaga mai leoleo, ae ua ta’ua e le molimau o le vevesi na faaaoga ai ni laau malosi, lea na faamanu’alia ai lē ua maliu.
Ua faailoa foi e le molimau o se mataupu tau i fanua le mafuaaga o le vevesi, e faapea na amata i le aso Faraile na tea nei ae faifai tetele ile po o le aso Sa.
