O se fiafiaga tele ma le mata’utia o le faatūina ai e alii o le Elite Men’s Vaa a Samoa o se matāti’a mo le ulua’i taimi o le saofagā atu ai i le vaega pito i luga o le tauvaga alo va’a, i le 2026 IVF Va‘a World Sprint Championships.
E ui e le’i manumalo le ‘au a Samoa, ae peita’i o se talafaasolopito le mafai ai e le tatou ‘au i le itupa o alii le ausia o le tulaga 6 i lea fā’agatama, i le 500 mita o le Elite Men’s V6.
O le taimi muamua lenei ua oo ai se ‘au a Samoa i le su’ega siamupini o le lalolagi, poo le World Championships i lenei taaloga ma o se mitamitaga lea, ua iloa foi e tagata i tulaga faavaomalo taumafaiga a le tatou atunuu e ala i tausinioga a ia alo ma fanau o Samoa.
Māua i se ripoti mai le Samoa Lifestyle Magazine, na maua e Samoa le tulaga ono i le taimi e minute ma le 58 togi i le 36 sekone (1:58.36).
Faamauina e le faia’oga, Sala Lafaele Taua, e sili atu le tāua o lenei taunuuga ona e na o le tusa ma le lua masina na mafai ai ona tapena faatasi lenei ‘au.
O le tulaga ono i le lalolagi ua avea ma matati‘a telē mo le atina’e o le taaloga o le alovaa i Samoa aemaise o tulaga o taumafaiga a le atunuu i tulaga faavaomalo.
Faamauina le manumalo ai o le alii 13 tausaga le matua o Handel Tupu Fua i le semi finals o le vaega o alii Junior 16 men- V1 500.
E 4 vaega poo categories o loo tausinio ai Samoa, e aofia ai:
- Elite Championship V6 Men
- Elite Championship V6 Women
- Elite Championship V6 Junior 19 Men
- Elite Championship V1 Men
Puna o Faamatalaga: https://samoalifestyle.com/play/f/samoa-elite-men-make-history-with-top-six-world-finish?fbclid=IwY2xjawT4QqNwZG9mBWV4dG4DYWVtAjExAHNydGMGYXBwX2lkEDIyMjAzOTE3ODgyMDA4OTIAAR46nTuajU8qLVdSNe9V6VC5-L6DYyaihIr077ro583Ru3uKsOJU_mi8CRt1vA_aem_ka6PRbKdb_UwLOIvS9gyBA
