E to’a 6 tamaiti ua tutuli ma le a’oga, na lipotia le faatino o ni uiga fia malosi (bullying), ua faasoa ai le a’oga i ia ituaiga amioga.
O i latou e to’aono e pei ona lipotia e le 9News, ua aveesea mai le a’oga ma le isi to’a 21 ua faamālōlō mo sina taimi ina ua alia’e tuua’iga ia o uiga fia malosi ma le sauā.
O le St Paul’s College i Sini o loo lipotia mai ai lea mataupu ma le faamatalaga ua faia nei se su’esu’ega i ia ituaiga uiga, bullying.
Faailoa e le 9News se faamatalaga mai le sui o le a’oga o Dr Ed Loane o loo tuuina nei le fesoasoani ia i latou na aafia i ia ituaiga uiga ma ua faate’ia ai le kolisi ma lagona le lē fiafia i le aofia ai o ni tamaiti a’oga mai le Kolisi i lenei mataupu, e lē ogatasi ma talitonuga ma mau tauave a le Kolisi.
Fai mai Dr Ed o tamaiti e a’ooga ia i latou e fai lelei polokalame faalea’oa’oga e a’otauina ai e tetee atu i uiga ia pe a fia aooga i le Kolisi.
O le kolisi lea e pei ona faailoa i le lipoti e aumau ai tamaiti a’oga e a’ooga i le Sydney Uni i Camperdown.
Puna o Faamatalaga: https://www.9news.com.au/national/st-pauls-college-sydney-university-students-expelled-and-suspended-over-serious-bullying-incident/6935ce63-89f5-4206-b3ce-7da20f01b4c2
