Ua faaalia nei e le Christchurch City Mission o latou lagona alofa ma le popole mo le to’atele o tagata e lē o iai ni fale e malu ai, ona o le mālūlū tele o le tau ua iai nei, ma ua lagona ai le alofa mo i latou, talu ai foi tulaga lamatia ua iai nei o latou soifua.
Faamauina le pa’ū o le tikeri o le mālūlū aga’i i le -4 tikeri i le faai’uga o le vaiaso ua sola, ma ua faateleina ai le mālūlū.
Ma ona o ia tulaga o le tau, o lea na faasolo atu ai siaki a sui o le auaunaga i tagata o loo momoe i auala ma taavale i faaitu eseese o Kalaiesetete.
Faamanino e le City Mission, o le popolega tele, ina ne’i ma’umau se soifua o se tasi i le mālūlū tele, aemaise ua latou maitauina le faatupula’ia o le numera o tagata matutua ua leai ni fale, e aofia ai se tagata e 82 tausaga le matua.
Ua ta’ua o loo faaauau pea le fesoasoani a le auaunaga o le maua ai o nofoaga e nonofo mo se taimi poo emergency accommodations, o palanikeke, ato moe, ofu māfanafana ma mea’ai taumafa mo i latou o loo mana’omia se fesoasoani.
Puna o Faamatalaga: https://www.rnz.co.nz/news/community/824945/christchurch-city-mission-raises-alarm-as-rough-sleepers-battle-below-freezing-temperatures
