Ua faamālōlō lē tumau e Peru le auaunaga a le kamupanī vaalele a le Aerodiana ina ua lavea se tasi o ana vaalele i le faai’uga o le vaiaso ma maliliu ai tulisi e to’a 11 ma le auvaa e to’alua.
O le kamupanī vaalele a le Aerodiana lea latou te feavea’ia tulisi i luga o nisi o mata’aga i le atunuu, ua poloa’ia e faamālōlō uma ana auaunaga se’ia mae’a su’esu’ega o loo faia.
Ta’ua e le CNN na faailoa muamua e le faigāmalo ua lipotia atu e le auvaa se faaletonu tau le vaalele ae le’i motusia fesoota’iga i le ualesi poo le leitio, ae o le faigāmalaga sa aveina ane ai tulisi e faamatamata i le togavao, o se nofoaga ua autausagā a Malo Aufaatasi.
Ua ta’ua o tulisi sa iai i le faigāmalaga e aofia ai i latou mai Italia, Sepania, ma Siamani ma sui o le auvaa e to’alua mai Peru.
O loo faatalia nei le i’uga o le su’esu’ega i le faapogai o le faaletonu.
Puna o Faamatalaga: https://edition.cnn.com/2026/08/02/americas/nazca-plane-crash-dead-intl-latam
