Ua poloa’ia nei e le Employment Relations Authority le supamaketi poo le faleoloa a le Four Square mai Thames e pei ona faatautaia i lalo o le pulega o le Dharni Enterprises Limited e totogi le sala e $32,000, ae faatonuina o lē o loo faauluulu iai le kamupani Jaswinder Singh e totogi le $12,000, e maua ai le $44,000 o le sala tupe.
I ripoti mai le leitio faavaomalo a Niu Sila, na maua i sa’ili’iliga ma iloiloga a le Employment Relations Authority (ERA) o tupe na totogiina atu e tagata faigaluega o loo aafia o loo faaaogā e lea auaunaga ma le pule e toe totogi ai i la’ua i galuega o loo faatino.
Ma e le’i umi lava ona galulue i la’ua ae faamālōlō loa i le na o sina taimi na galulue ai.
Faamanino e le Faatonu o le Labour Inspectorate, Katriona Ikenasio, e lē tatau lava ma e leai foi se tulaga e faamalosia ai e pisinisi ma tagata e onaina galuega ona fai atu i tagata o loo sa’ili galuega e totogi atu le fia selau ona e taofi lea pe maua atu ai ni galuega i totonu o Niu Sila.
Ma o le mea e ao ona iloa ma silafia uma e aiā tutusa uma tagata i lalo o tulafono ma e mafai ona puipuia i lalo o tulafono o tagata faigaluega a le atunuu.
Puna o Faamatalaga: https://www.rnz.co.nz/news/business/808413/thames-four-square-owner-forced-migrant-workers-to-pay-120-000-to-secure-jobs
