Ua faalauiloa aloa’ia mai nei e le Ekalesia Katoliko i Kalaiesetete ni ata fou o foliga vaaia o le malumalu tele o le Cathedral of the Blessed Sacrament, lea ua fuafua lona fausiaina i se tau aofa’i e tusa ma le 80 miliona tālā.
O le a toe fausia lea falesa i le nofoaga sa iai le falesa tuai i Barbadoes Street, lea na faaleagaina i le mafui’e o le 2010 ma le 2011, ma mulimuli ane na talepe pe na tuu i lalo i le tausaga e 2020.
O le falesa fou o le a mafai ona ofi ai tagata e 800 ma o le a iai foi se nofoaga mo talosaga ma se nofoaga mo polokalame a le aai.
E tusa ma le 45 miliona tālā ua maua mai inisiua ma le faatauina atu o aseta a le Ekalesia, ae ua silia ma le 19 miliona tālā na maua mai nisi o vaega na mafai ona aoina mai meaalofa na ofoina atu poo donations.
Ua talosagaina foi e le Epikopō o Michael Gielen, aiga Katoliko uma ina ia fesoasoani i galuega o le sa’ilia o vaega mulimuli o le seleni ae se’i amata loa lea galuega.
A mae’a, o le a avea lea ma ulua’i falesa Katoliko fou ua fausia i Niu Sila i le mavae ai o le silia ma le 120 tausaga.
Puna o Faamatalaga: https://www.rnz.co.nz/news/regions_canterbury/798768/christchurch-catholic-diocese-unveils-plans-for-new-80m-cathedral-of-the-blessed-sacrament
