O loo faatino nei e se vaega su’esu’e a leoleo le su’esu’ega faatatau i le uma o le ola o se pepe e fā masina i se falema’i i Niu Sa Uelese i le vaiaso nei.
Fai mai faamatalaga i le 9News na faafesoota’ia leoleo e faatatau i le pepe lea na faamanu’alia i le Aso Lua o le vaiaso nei, o le pepe na ave atu i le falema’i i Gunnedah ma toe ave ane ai i le falema’i o John Hunter i Newcastle lea na uma ai lona ola i se taimi mulimuli ane.
O le faamatalaga o loo faailoa mai ua faatūina le su’esu’ega lea a leoleo o le Strike Force Monier e nafa ma lea mataupu ma ua fautuaina e leoleo soo se tasi e silafia se faamatalaga i lenei mataupu ina ia fesoota’i vave ane i le crimestoppers poo le ofisa o leoleo i Gunnedah.
Puna o Faamatalaga: https://www.9news.com.au/national/strike-force-to-investigate-after-baby-death-in-hospital-gunnedah-nsw/686ad961-c332-43cc-9349-8806f7b43c31
