Ua siitia le numera o tagata malaga mai i Samoa i lenei tausaga, pe a faatusatusa atu i le taimi lava lenei i le tausaga ua mavae.
I faamaumauga a le Ofisa o Fuainumera a le atunuu, o loo faamauina ai le siitia i le 4.0pasene le aofa’i o tagata malaga mai i Samoa.
O le kuata lona 3 o lenei tausaga e to’a 67,902 le aofa’i o tagata na taunuu mai i Samoa.
Mo tagata e asiasi mai poo turisi e asia Samoa e to’a 50,823 ma ua faamauina ai le siitia i le 4.5 pasene pe a faatusatusa atu i le taimi faapenei i le tausaga ua mavae.
O turisi malaga mai i Niu Sila ua siitia i le to’a 1,160, turisi mai Ausetalia ua faamauina le pa’ū i le 766, Amerika Samoa ua faamauina le siitia i le to’a 303 ma le malo tele o Amerika o loo ua siitia i le to’a 1,542.
Mo tagata e tuua Samoa mo atunuu mamao ua siitia le fuainumera i le to’a 68,968 poo le 2.2 pasene.
