O se tasi o folafolaga a le vaega faaupufai o le Faatuatua i le Atua Samoa ua tasi i le maua e tinā o pepe fou o faamanuiaga tau tupe pe a tula’i e avea ma faigāmalo, ua amata faatino.
O le afioga i le Palemia na saunoa e faalauiloa aloa’ia lea fesoasoani tupe lea o le a amata i le masina fou o Setema ona faia lesitala ae mae’a i le masina o Novema ma le faamoemoe e amata maua le fesoasoani ia Tesema ma faasolo atu ai i le tausaga fou.
E 200 tālā e maua e le pepe fou faato’ā fanau ae selau tālā i masina ta’itasi se’ia oo ina aulia le tolu tausaga o le matua o le pepe.
Le afioga i le Palemia susuga Laaulialemalietoa Leuatea Polataivao Fosi i le saunoaga na faalauiloa ai le fesoasoani tupe a le malo mo pepe fou.
