A o tālia ai nei e le ‘au faitaavale uma i le atunuu le Aso Toonai o lenei vaiaso e amata ai le masina fou o Aokuso e iloa ai se siitaga poo se pa’ū i le tau o oloa tau suāuu ma penisini, o se tala fiafia i lenei vaiaso mo le ‘au faipasi ma taavale laiti la’upasese le faamaonia ai e le Kapeneta o le siitaga fou o pasese e tau faafetaui ai le taugatā o lea oloa ua iai i le taimi nei.
E 30 pasene o le a siitia ai pasese o taavale laiti ma pasi ma o le a faaopoopo le 30 pasene i le totogi o pasese o loo iai i le taimi nei.
O le a faailoa lea totogi fou i le tapenaga o loo feagai nei ma le pulega o fela’ua’iga i luga o le laueleele le Samoa Land Transport Authority.
O le tausaga e 2014 i le 2015 na gata mai ai le siitaga e 15 pasene mo pasese i ia auala o feoa’iga mo tagata lautele.
