Ua amata le masina fou o Aokuso i le pa’ū teisi i lalo o le tau o oloa tau suāuu ma penisini mo le atunuu atoa, ma o se faamāmā avega i le ‘au faitaavale aemaise i taavale la’upasese e pei o pasi ma taxi.
O tau fou o ia oloa o le penisini ua 3 tālā 57 sene i le lita i le masina nei ae sa 4 tālā i le lita i le masina o Iulai.
O suāuu kiso sa 4 tālā 48 sene i le lita o lea ua pa’ū i le 3 tālā 89 sene i le lita, ma le kalasini o lona tau fou e 3 tālā 48 sene i le lita.
O le tau sa iai le kalasini ia Iulai e 4 tālā ma le 2 sene i le lita.
