Ua faailoa e le failautusi o le komiti o le avamalosi le mae’a o se galuega sa faatino e leoleo ma le ofisa o le tiute ma le lagolago a le matagaluega o puna’oa faalenatura ma siosiomaga, na lafoai ai avamalosi na maua i se sailiiliga ua faatau faasolitulafono e ni faipisinisi Saina i Savaii e aunoa ma se laisene faataga.
Ua faailoa e le failautusi o le komiti o le avamalosi ia Lupe Tariu Mataia i se pepa o faamatalaga, e lua faleoloa o ni meatotino a tagatanuu Samoa o loo lisi e faipisinisi Saina sa maua i lea suesuega, ma sa molia i laua e ana faleoloa ma faamaonia ai o la moliaga, peitai ua faapafala se faasalaga e aunoa ma le faamaonia o se solitulafono.
O le faamasinoga foi lea na faatonuina ai le aveesea uma mai o avamalosi i ia faleoloa ma tuuina atu i auaunaga patino e gafa ma le faia o galuega e lafoai ai ia oloa tau avamalosi.
O le nofoaga o loo lafoai iai le lapisi i Tafaigata sa ave iai le uta o avamalosi e lē o faailoaina e le failautusi pe fia se aofaiga na maua, ma lafoai ai.
O aiaiga o le tulafono o avamalosi o le tausaga 2020 sa faaaogā i le suesuega na faia ma maua ai avamalosi na faatau e aunoa ma se laisene faataga.
