Ua ta’ua e amata atu i le asō ona lē toe mafai ona faaaogā credit cards mo le faia o ni tiposi i luga o upega tafailagi mo taaloga faitupe ina ua amata faamamalu tulafono fou.
Ua ono nei masina talu ona pasia ia tulafono fou i le Palemene ina ia ogatasi ai taaloga faitupe i luga o upega tafailagi a tagata o loo taaalo i nofoaga faapea ma kamupani e latou te lē usitaia ia tulafono fou e ono faasalaina i le oo atu i le silia ma le $234 afe.
O ia foi tulafono fou ua faalautele ai ma le malosiaga o le Australian Communications and Media Authority e faaalosia ai faasalaga e faatatau i ia tulafono.
O taumafaiga uma ia ua sosoo ai i isi fuafuaga a le malo e faaitiitia ai taaloga faitupe, fuafuaga e pei o le Betshop ma le faamalosia o le faia o IDs e faamaonia ai le tagata taalo i taaloga ia i luga o upega tafailagi.
Fai mai le minisita o le auaunaga e feagai ma lea matafaioi, social services, Amana Rishworth o le sā lea o le a fesoasoani ai foi i tagata Ausetalia o loo iai i ni tulaga ma’ale’ale.
Puna o Faamatalaga: https://www.9news.com.au/national/online-gambling-credit-cards-banned-from-today-australia/9638e4dd-366d-4d8b-819c-daff6e583677
