O loimata o le fiafia ma le lagona to’amālie ua vaaia i le malaevaalele i Sini ina ua tulaueleele le ulua’i faigamalaga mai Lepanona na aumai ai tagata Ausetalia sa iai i lea atunuu.

Toeititi 350 le pasese o le faigamalaga lea na taunuu i SIni i le po anapo ae silia ma le 3,700 tagata Ausetalia o loo fia aga’i ese mai ma Sasae Tutotonu ma sa’ili mai ni avanoa i vaalele.

Na vaaia i le po anapo feiloa’iga a aiga ina ua toe faatasia ma aiga i Ausetalia nei ma aga’i ese mai ma nofoaga o loo faifaitetele ai vesiga.

Na molimau se tasi tamā na malaga mai ai e lei leva lava ona tuua lo latou fale i Beirut ae faaleagaina loa i osofa’iga o loo faaauau pea ma ua fiafia ua taunuu mai i Ausetalia ma ia faafetaia ai le malo ona o le aveesea vave mai o i latou.

Na molimau se tasi tamaitai faato’ā ona ia iloa lea le tāua o lona tusifolau Ausetalia ma momoli ai lana faafetai i le malo ma le Atua.

O le minisita o le va i fafo, Penny Wong sa ia faafeiloaia i luga o le social media i latou uma na faimalaga mai anapo ma le faamatalaga, o le asō ua aga’i mai ai isi faigamalaga e lua mai Beirut o loo aumai ai isi tagata Ausetalia.

Puna o Faamatalaga: https://www.9news.com.au/national/lebanon-flights-mercy-flight-cyprus-sydney/df776e92-c92f-4792-8752-c6e1dd29c387