Ua faailoa mai e Trump e lē o sauni i le taimi nei e faia se maliega ma Iran e faamuta ai fetauiga.
O lipoti aupito lata mai a le CNN ua faailoa ai ua oo le tau i le $100 i le paelo ae ua siitia foi le tau o le kesi ina ua mae’a le osofa’iga a le vaega a le Houthi Rebels lea e lagolago e Iran i vaa a Saudi Arabia o loo i le Red Sea.
I isi vaega o le Atu Alapi ua faailoa ane e Jordan ma Kuwait ua faaopoopo atu isi osofa’iga fou a Iran ia i latou ma ua ta’ua foi i lipoti e to’alua tagata ua maliliu i le tuaoi o Iran ma Iraq ona o osofa’iga a Amerika e pei ona lipotia mai e le ‘aufaasalalau a Iran.
O loo iai faamatalaga mai Isaraelu ua faailoa ai e le ofisa sipai a le atunuu le Mossad o loo feta’ua’ina le iai o se fuafuaga a Iran e taula’i osofa’iga i ofisa sinia o le faigāmalo a Isaraelu e faaaogā ai tagata mai fafo atu o le atunuu.
Fai mai lipoti ua taumafai le Matāgaluega o le Va i Fafo a Iran e ave ane ona sitiseni i Isaraelu e faatinoina osofa’iga ia i ofisa sinia o le faigāmalo.
Puna o Faamatalaga: https://edition.cnn.com/2026/07/23/world/live-news/iran-war-trump
