Ua faasilasila e le vaaitau a Vanuatu le mugala o le a aafia ai le atunuu aemaise lava i vaega i le itu i Mātū e pei o le itumalo o Torba, Sanma, Penama ma Malampa.
Ua faailoa ua iai nei le El Nino i le Pasefika ma ua faamauina foi le maualalo o le suāvai timu mai le tolu masina talu ai.
Ua lapata’ia foi le atunuu i aafiaga o ia mugala i faato’aga e ui o le a iai lava nai taimi e timu ai.
Ua fautuaina tagata ia faasao le suāvai ma ia tapenapena mo aso e faaitiitia ai le sapalai pe afai e faaauau faaumiumi mugala.
Ua fautuaina foi faato’aga ia taumafai e faasoasoa lelei le suāvai i taimi faapea e lē gata mo faato’aga aemaise foi lafumanu.
O isi atunuu lalata ane ia Vanuatu ua lapata’ia foi i le El Nino ma ua faailoa ane e le Palemia o Papua Niu Kini, James Marape, ua vave gaioi nei lona atunuu e faamautū, o loo tapena iai mo le ono faaitiitia o le suāvai.
Na faailoa foi e le vaega o puipuiga mo faalavelave faafuase’i a Tonga, ua mae’a fonotaga i le matāupu ma ua amata tapenaga.
Ua faailoa e Fiti ua aveese e le Malo se vaegatupe faaagaaga mo taimi e itiiti ai le sapalai o le suāvai pe a faaletonu le tala o le tau.
Puna o Faamatalaga: https://www.rnz.co.nz/news/pacific/757900/first-stage-of-drought-declared-for-parts-of-vanuatu
