O vevesi sa tula’i mai i le va o nisi o fanau a’oga o le Iunivesite Aoao o Samoa ua faailoa ai e le matāgaluega o leoleo, falepuipui ma le toe fuata’ina le iai o le galuega a malu o le malo mo le puipuia o le saogalemū o fanau a le atunuu o loo a’o’oga i le iunivesite.
O le Aso Faraile ua mavae na faailoa ai e le matāgaluega lea gaioiga a o faagasolo ai su’esu’ega i fanau sa aafia i fusu’aga sa molimauina i se ata video na salalau i upega tafa’ilagi.
I se tasi o matāupu, ua aumai faalaua’itele se tuualalo ma fautuaga mai le matāgaluega o leoleo i le atunuu e mataāla ma mata’alia i taimi uma i le puipuia o le ola ma le soifua i faalavelave e tutupu mai.
O le fautuaga a le matāgaluega e māfua i soifua o ni tagata e to’asefulu na fano i le masina lenei o Iulai.
E lē o faailoaina e leoleo poo ā faalavelave na tutupu e fesoota’i i maliu e sefulu.
