Ua faailoa lautele e leoleo i ata ma faamatalaga e pei o suafa, tausaga o le matutua ma ata o tama’ita’i e to’asefulu ma alii e luasefulutasi sa pu’eina ma taofia mo su’esu’ega atili, ona o osofa’iga a leoleo i nofoaga eseese sa masalomia o loo faatino ai gaioiga solitulafono e fesoota’i i nakoti poo fuālaau faasāina.
O i latou ua faailoa e leoleo ua aofia ai ni tama’ita’i se to’alua o loo silafia e le to’atele i lenei vaitau i le taleni o le musika e ala ia la fatuga o pese.
O i la’ua ia o Shapphire Esera 24 tausaga le matua ma Lena Oliana Bennignton ua 31 tausaga le matua.
O osofa’iga a leoleo i le va o le aso 16 o Iuni ma le aso 23 o Iulai na pu’eina ai i latou uma e 31 ma ua sauni e tutula’i i le faamasinoga e tali i moliaga a leoleo.
