O se amataga manaia lenei vaiaso mo le laumua le aai o Ueligitone, ina ua sapai e lana ‘aulakapi le Hurricanes le ipu ma le siamupini o le taamilosaga Super Rugby 2026.
O se taaloga ua faapine ai ma se lekoti poo se record i talafaasolopito o lenei taamilosaga, ina ua matuā mamao ma tele ‘ai ua manumalo ai se ‘au i se su’egā siamupini o le Super Rugby.
Sa iai uma manatu o le to’atele o le a faigatā pe taufao le taaloga, peita’i e lē o le tulaga lea na iai, ae na peiseaī na fai to’atasi lava e le Hurricanes ‘ai o le taaloga, na faato’ā maua se avanoa o le Chiefs e tatao ai se latou sikoa ae ua lalata ina mae’a le taaloga.
O ‘ai o le taaloga, e 60 le Hurricanes i le 5 a le Chiefs ma o le record lea mo le Hurricanes mo se ‘au ua maoa’e ‘ai na latou maua, ma maoa’e le latou manumalo.
O le tausaga e 2009 na faamau ai e le ‘au a le Bulls se record i ‘ai na manumalo ai foi i le Chiefs e 61 i le 17 a le Chiefs, ae o lea la ua tata’e e le Hurricanes lea record, ina ua sikoa ‘ai e 60 i le na o le 5 ‘ai o le Chiefs.
Ma o lea ua aga’i le aai ia latou faafiafiaga eseese e patipatia ai ma faaali lo latou mitamita i le i’uga ua iai le ‘au a le latou aai.
