E 15 tausaga le matua o se tama a’oga o le Kolisi a Falealili o loo su’esu’eina e leoleo le māfua’aga o le fano o lona ola i le vaiaso ua mavae e pei ona lipotia ai se finagalo o le Sui Komesina o leoleo le afioga Leiataua Samuelu Afamasaga ua ia faamaonia ai lea su’esu’ega o loo faagasolo i le taimi nei.
O luga i fesoota’iga o upega tafa’filagi o loo faailoa ai lagona faanoanoa ma le nutimomoia o nisi latou te silafia lea alo talavou ona o le motusia ai o le mafutaga i le ola nei.
I se tasi o tala mai le matāgaluega lava o leoleo, e to’alua ni tama’ita’i o malu o le malo ua faamālōlō lē tumau mo le lua vaiaso.
O le māfua’aga ua o la solia se tasi o agatausili o le faatinoina o o la tiute, o le faasalalau i le api o foliga o le video mai mea pu’eata CCTV na maua ai le gaioiga na aafia ai se alii leoleo i se faalavelave tau taavale i le vaiaso ua mavae, a o faatino lana galuega o le faatonutonuina o taavale feoa’i.
