Pe ā ma le 12 afe tagata ua aveesea mai le itu i Saute i Sisifo o Farani lea ua faateteleina ai le sasao ane o afi i togāvao i le faaitu o Gironde.
Fai mai lipoti a le BBC pe ā ma le 3,400 hectares tusa lea ma le 8,400 eka o le fanua ua mae’a faatama’ia e le afi i le faaitu o Bay of Archachon ma o loo galulue ai le tineimū pe ā ma le to’a 700.
O le to’atele na aveesea mai le nofoaga o loo aafia i le po anapo, o tagata tulisi poo le ‘autafafao maimoa atu i ia faaitu e iai nofoaga mo togalauapiga, campsites.
O afi ia na sasao ane i togāvao ua lē fuatasi ia Farani ae sa aafia ai foi vaega o Spain ma Italia, ma na maliu ai foi se tagata faigaluega o le fuimū i Sicily.
O isi vaega o Farani na sasao ane ai le afi e māfua lava i le vevela o le ea o loo aofia ai le Atu Europa ma e to’alua foi isi tagata fuimu na maliliu i le Aso Lua a o taumafai e tapē le afi e lata ane i se tasi o malae vaalele o Bordeaux.
Puna o Faamatalaga: https://www.bbc.com/news/articles/cy4kmr82n44o
