E to’atolu tagata ua faamaonia ua maliliu i se fale na sasao ane ai se afi i le itu i Saute o Sini.
Na faavave atu le fesoasoani faavavave i Wiley Park ina ua lipotia le afi lea i le po anapo poo le lata i le 10.
Sa aafia ai se granny flat ma na malosi le sasao a le afi.
Ua faailoa pe ā ma le 20 le aufaigaluega a le tineimū na galulue ai ma taavale fuimū e 5.
Fai mai leoleo o tino maliliu ia e 3 na maua ai i totonu o le fale ina ua faia le latou su’esu’ega.
E lē o mafai ona faailoaina poo ai tonu i latou ia ae e le’i faamatuu mai foi e leoleo ni faamatalaga e faatatau i lo latou matutua ma nisi tulaga.
Ua faagasolo nei le su’esu’ega i le māfua’aga o le afi.
O loo tapenaina e leoleo se lipoti e tuuina atu i le coroner.
Puna o Faamatalaga: https://www.nine.com.au/australia-news/nsw/three-dead-in-south-west-sydney-house-fire-20260730-p60jte.html
