O loo galulue nei le faigāmalo a Fiti i se faiga faavae le Diaspora Policy e taula’i i le faamautinoaina e iai matāfaioi autū a tagata Fiti uma i le lalolagi i le faalauteleina o le tamaoaiga o le atunuu.
O le Minisita o le Va i Fafo a Fiti o Sakiasi Ditoka sa iai i Niu Sila talu ai nei, lea sa feiloa’i ma sui faapisinisi a Fiti o loo iai ma le au investors.
Ta’ua e le minisita o loo faateleina pea le naunau o tagata Fiti i Niu Sila, Ausetalia, Amerika ma Europa i le atunuu ma e lē o toe mamao ona mae’a lea o le tapenaina o le faiga faavae lea mo le ave atu i le Kapeneta e pasia ai.
Saunoa Ditoka e tāua tele le diaspora ia Fiti aemaise i le tamaoaiga o le atunuu i tupe e lafo mai e tagata Fiti mai atunuu i fafo.
Ua faailoa i lipoti a le RNZ, e 407 tagata e tuua Fiti ae aga’i i atunuu i fafo e faigaluega ai mo se vaitaimi e itiiti ifo i le tolu masina, ae 318 e aga’i e faigaluega i atunuu i fafo mo le tolu i le 12 masina.
O le isi 409 tagata Fiti na aga’i i atunuu i fafo mo galuega e mai le tasi i le 5 tausaga le umi.
Puna o Faamatalaga: https://www.rnz.co.nz/news/pacific/758700/fiji-finalising-diaspora-policy-to-ensure-citizens-abroad-keep-coming-back
