Ua atili faamalosi osofa’iga a Lusia ia Ukraine e faaaogā ai lava missiles ma drones ma ua maliliu ai le to’a 8 ma le to’atele o loo manunu’a.
O le to’afā na fasiotia i le itu i Mātū o le aai o Kharkiv ma se tinā matua mai le laumua o Kyiv.
Fai mai Zelensky i le BBC o le osofa’iga a Lusia ua faaaogā ane ai ‘au’upega malolosi fana mamao lea e feta’ua’ina na maliliu ai tagata e to’alima.
Ua lipotia e tolu vaa suāuu a Lusia i le Black Sea sa tafanaina e Ukraine ma nofoaga e teu ai le suāuu i le itu i Saute o Lusia.
E tele isi vaega o Kyiv na osofa’ia e le militeli a Lusia ma ua faailoa o le to’atele o le ‘aumanunu’a e matua’i tigāina lava.
O loo maitauina e le ‘autusitala le faateteleina o osofa’iga a Lusia ma le malolosi o ‘au’upega o loo faaaogā ane.
O le faateteleina ane la o osofa’iga a Lusia ia Ukraine ua sa’ili fesoasoani ai Kyiv mo le sapalai o Ballistic missiles poo ‘au’upega fana mamao mai ana pa’aga i le Atu Europa, o i o loo ave iai le latou faamuamua i le itu tau le puipuiga.
Puna o Faamatalaga: https://www.bbc.com/news/articles/c2el7xpnzrpo
