Ua saunoa Donald Trump ma lipotia i le CNN ua matua’i mamafa osofa’iga a Amerika ia Iran ma ua sosoo po e 9 o osofa’iga.
Ua ta’ua foi i le lipoti ua iai popolega i le aofa’i o fitafita ua maliliu i fetauiga ma e ono faateteleina pea ia vevesi.
Ta’ua mai e Amerika e iai le isi o latou sui o se fitafita sa fasiotia i le itu i Mātū o Iraq a o faatino galuega i se drone na pa’ū a Iran ae ua faailoa foi e le US Central Command ua o latou maua foi faamaoniga o nisi ua maliliu i Jordan lea na osofa’ia ai e Iran fitafita a Amerika.
O loo faaauau pea fetauiga i le tele o vaega o Iran ae fai mai le failautusi o le malo Amerika, Marco Rubio i le lipoti lava lea, o le faalavelave na fasiotia ai le sui o Amerika i Iraq o se faalavelave na tupu faafuase’i ma e lē o iai nisi sui o Amerika o aafia.
Na ia saunoa foi e leai lava se gaioiga a le militeli o loo faia e saogalemū ma e faafetaia le lototoa o tagata Amerika ma le latou auaunaga i le atunuu ma o loo tatalo foi mo aiga ma agaga o i latou ua aafia.
E to’a 17 sui o Amerika ua maliliu i auaunaga talu ona amata mai le taua ma Iran.
Puna o Faamatalaga: https://edition.cnn.com/2026/07/19/world/live-news/iran-war-trump
