Ua faamālōlō e le Peresetene o Ukraine o Volodymyr Zelensky le ta’ita’i’au o le militeli a le atunuu, o General Oleksander Syrskyi, i le maea o le mau tetee faasaga i lea alii ona o lona aveesea o le Minisita o le Puipuiga a le atunuu lea e to’atele tagata e fiafia ma lagolago iai.
O le aveesea e Oleksander o le Minisita o le Puipuiga, Mykhailo Fedorov i le vaiaso talu ai ua māfua ai ia tetee i luga o magāala o le atunuu ma ua vaeluaina ai foi ma finagalo i le militeli a Ukraine aemaise i fuafuaga e faaaogā e Kyiv i le taua ma Lusia.
Ua mae’a ona ofoina e Zelensky se isi avanoa i lana faigāmalo mo Fedorov ae lē o iloa pe ua taliaina le ofo pe leai.
E na o le 35 tausaga o le alii Minisita lea peita’i e to’atele e fiafia iai ona o lona silafia i matāupu tau tekonolosi ma le faafaigaluegaina o tagata.
Ua ta’ua i lipoti ua iai le isi ua suitulaga ia Oleksander Syrskyi ma ua mae’a foi ona valaau iai le Minisita na faamālōlō o Fedorov e faafetaia ana taumafaiga i le puipuiga o Ukraine.
Puna o Faamatalaga: https://edition.cnn.com/2026/07/21/europe/ukraine-military-chief-sacked-intl
