E tele a’oga o loo aafia i Vitoria i le vaiaso nei ona o solotetee a faia’oga o loo faagasolo i lea setete o Ausetalia.
O le matāupu lava i totogi o loo faatatau iai ia tetee ae faato’ā toe a’e atu le fanau mo lenei kuata fou.
Pe ā ma le 1,600 a’oga a le malo poo public schools ua leai ni vasega i le asō ona o lea fuafuaga ma ua fautuaina ai mātua e taofi fanau i le fale pe a mafai.
O luga o le social media ua faailoa ai e le Peresetene o le Iuni a A’oga, le Australian Education Union, e lē faigaluega sui o le Iuni i le asō ma ua o latou teena le ofo na tuu ane e le malo mo le siitaga o totogi i le 28.3 pasene i totonu o le 4 tausaga.
Fai mai le Peresetene, Justin Mullaly e pei ona lipotia i le 9News, a manana’o le setete o Vitoria i se tuaga lelei tau a’oa’oga, e mana’omia ona latou faatupe lelei le auaunaga ma fai totogi talafeagai mo tagata.
Fai mai a ia e faigofie le latou fe’au e fia tuuina i le setete, faatupe faalelei a’oa’oga.
O le palota na faia a le Iuni a faia’oga i le siitaga na ofo ane e 48.82 pasene o faia’oga na o latou taliaina, ae 51.18 pasene sa o latou teena ma faatino ai loa ma solo tetee i le asō.
Puna o Faamatalaga: https://www.nine.com.au/australia-news/vic/victoria-teachers-strike-announced-pay-dispute-victoria-government-20260721-p60h8j.html
