E foliga ua faai’u puta le faamanatuina o le manumalo o le atunuu o Spain poo Sepania i le Ipu o le Lalolagi i le soka ina ua lipotia mai i le asō le maliu o se tamaitiiti e 13 tausaga le matua, ina ua tupu se faalavelave i le itu i Mātū i Sisifo o Spain a o faaauau ai fiafia ma le faamanatuina o le manumalo.
Ua ta’ua e le BBC o se fountain na faaletonu i le itumalo o Salamanca ma e to’alua isi talavou o loo manunu’a ai foi ma se tamaitiiti o loo faaletonu foi lona vae na aafia ai i le faalavelave.
Fai mai sa faia se fiafia i totonu o le Arbol Gordon Fountain ae collapse pe pa’ū ai i lalo vaega o lea nofoaga ma māfua ai le faaletonu, fai mai ua fepe’ei ai nisi i luga o le vaega na solo ma tupu ai ma le faaletonu.
Sa logoina leoleo ma ua faia nei iai su’esu’ega.
E pei ona silafia o Sepania na faia’ina ai Argentina i le finals o le Ipu o le Lalolagi i le soka 1-0 ma o le faalua ai lea ona manumalo Sepania i le ipu lea; o le malo muamua o le 2010.
Fai mai le BBC o le amataga o le masina nei na maliliu ai foi tagata e to’atolu a o faia fiafia o taaloga o le Ipu o le Lalolagi i Mexico city.
Puna o Faamatalaga: https://www.bbc.com/news/articles/c0qvdy0jv05o
