Na poloka faasoloatoa luga o le auala tele, le motorway i itu Saute o Aukilani i se faalavelave mata’utia lea e 3 ai taavale na lavevea i le taeao o le asō, o le Aso Lua lea.
Ma ua faamauina ai le faatuai ona faimalaga atu taavale i itu e tatau ona aga’i iai ona o lea faalavelave.
Ta’ua i ripoti mai le 1News, na tali atu le Vaega o Faalavelave Tutupu Faafuase’i, i le nofoaga na tula’i ai le faalavelave, e lata ane i Papakura i Drury; faailoa na tupu le lavea i le lata i le itula e 8 i le taeao, a o pisi le to’atele e aga’i atu i galuega.
E to’atasi le tagata na māua le aafia pe na faamanu’alia i le faalavelave, ua tapunia ai isi itu o le auala i le itu i Saute, ma molimauina ai le tumutumu o poloka i luga o le auala.
Ua fautuaina ave taavale e sa’ili isi auala e aga’i atu iai, ma e faaumiumi lava ona iai auaunaga o faalavelave faafuase’i ma leoleo e faatino a latou sa’ili’iliga.
Puna o Faamatalaga :https://www.1news.co.nz/2026/07/21/major-delays-after-3-vehicles-crash-on-aucklands-southern-motorway/
