Ua palota le ‘aufaitulafono a Farani i le vaiaso nei e faasā loa ona toe faaaogā e tamaiti i lalo o le 15 tausaga le matutua, le social media ma ua avea ai Farani o le atunuu muamua i le Iuni a Europa ua faatino ai lea tulaga.
O Ausetalia na muamua faatino le tulaga lea i le tausaga talu ai, ua faasā ai le faaaogāina o le social media e tamaiti i lalo o le 16 tausaga le matutua.
Sa folasia foi e Peretania se tulaga faapea mo lo latou atunuu i le masina na te’a nei ae faato’ā faamamalu i le tausaga fou.
O Spain, Greece ma Denmark o loo iai foi le fuafuaga e faatino ai tulaga faapea i le lumana’i.
I Farani lava ia e pei ona lipotia mai, ua lagolago uma e le ‘aufaitulafono le pili lea e lagolago malosi foi iai le Peresetene, Emmanuel Macron, lea o le a ia sainia le pili e avea ma tulafono.
Ua faatonuina e Macron le faavave ane o le faagaioia o lea pili i le Palemene ma le faamoemoe ia amata faamamalu ia tulafono fou i le amataga o a’oa’oga mo le isi tausaga faalea’oga lea e amata ia Setema.
Puna o Faamatalaga: https://edition.cnn.com/2026/07/21/world/france-becomes-the-first-eu-country-to-ban-social-media-for-children
Comments
Loading comments…