O le aveesea o le Minisita o le Puipuiga a Ukraine e ui i le tulaga lelei ua iai le militeli a le atunuu, ua afua ai ni tetee i Kyiv ma ua vaeluaina foi finagalo o le to’atele i le militeli i le matāupu lea aemaise i le taua ma Lusia.
O Mykhaylo Fedorov ua lipotia le tulaga lelei o ana galuega talu ona iai i le tofi mo le 6 masina peita’i ua ia faailoa o le Aso Lulu o le vaiaso nei ua aveesea ai o ia mai le tofi ona o feeseesea’iga ma le ta’ita’i o vaegā’au faa’au’upegaina, o Oleksandr Syrskyi.
Fai mai ua silafia e le Peresetene o Ukraine, Vladymyr Zelensky tetee ia e pei ona faaleo i le aso ananafi ma ia ta’ua ai na te talitonu o Fedorov o le a iai pea i lana team ma o le a talanoa i le matāupu lea i se taimi mulimuli ane.
Peita’i la o le aveesea o Fedorov ua lē fiafia ai le to’atele ma ua faitioina ai e nisi le alii Peresetene ona sa lē tatau ona tupu lea tulaga.
O Fedorov sa avea foi ma minisita o le digital transformation ma sa fiafia foi iai fitafita ona o le faaleleia o a latou totogi ma le faatinoina o galuega.
E na o le 35 tausaga o Fedorov ma ua faafetaia e le to’atele i lona tomai i faiga faatekonolosi ma le faafaigaluegaina o tagata.
Puna o Faamatalaga: https://edition.cnn.com/2026/07/16/europe/russia-ukraine-attack-keir-starmer-visit-intl-hnk
