Ua aga’i pea i luga le numera o tagata ua faamaonia ua maliliu mai le itu i Saute i Sisifo o Saina i le aai o Chongqing lea na āfaina i le sologāeleele i le vaiaso talu ai.
O lipoti mulimuli nei mai Saina ua ta’ua ai ua to’a 11 ua faamaonia le maliliu ae 50 tagata o loo tau sa’ilia pea ma ua faamauina foi ma le isi to’a 10 o loo manunu’a.
Fai mai lipoti mai le ‘aufaasalalau a Saina o loo galulue le vaega fesoasoani i le sa’ilia o tino maliliu o tagata e le’i maua.
Ua faailoa o se pito o se mauga na solo ma aafia atu ai ma fale i lea faaitu ma amata faagasolo ai galuega lavea’i.
O le taimi nei o i latou e iai le tomai i galuega lavea’i o loo faaauauina le sa’iliga mo ē o loo masalomia ua aafia ai soifua i lenei faalavelave faalenatura.
Puna o Faamatalaga: https://edition.cnn.com/2026/07/23/asia/china-landslide-death-latam-intl
