E iai le alii ua pu’e nei e leoleo i Ausetalia i le faalavelave na tula’i mai i le taeao analeila i le faaitu o Glenmore Park i Sini, lea na maua ai se tasi alii i fafo mai o se fale na mu i le taeao analeila.
Fai mai le 9News na valaau le fesoasoani faavavave i le nofoaga lea i le vaveao i Wargon Crescent ina ua lipoti e tuaoi le fale ua mu.
Fai mai o le tagata na maua i fafo mai o le fale sa iai manu’aga i lona tino mai le afi ma ua maliu pe ā ma le 60 tausaga le matua.
Fai mai e talitonu leoleo o le tagata ua pu’eina o se aiga o lē ua maliu ae e lē nofo ai i le fale na tupu ai le faalavelave.
O loo faia su’esu’ega ae e foliga na iai se penisini na faaaogā i le afi na sasao ane i le fale.
Puna o Faamatalaga: https://www.nine.com.au/australia-news/man-arrested-after-body-found-on-driveway-of-burning-western-sydney-home-20260716-p60fqk.html
