O le Aso Faraile le faai’uga o lenei vaiaso e toe valaau ai le tagi tau palota mai Safata 2 lea sa faailoa i le valaauga muamua i le Aso Tofi, o afioga i faamasino le afioga Leiataualesa Darrel Clarke ma le afioga Leutele Niavā Mata Tuatagaloa o le a feagai ma le su’esu’eina o lea matāupu tau faamasinoga o palota.
O le Aso Faraile lenei e faamautū ai foi ma le tuuina atu o se tali a lē ua molia le faipule filifilia e ala i lana loia, i moliaga e ono ua tuua’ia ai, lea o le a finauina e le itu talosaga le solitulafono o le taimi na tuuina atu ai tupe o le taui e sefulu miliona i nisi o tagata palota ae ua oo i le taimi o le faigā filifiliga a Safata 2.
O le a faamautū ai foi i le valaauga lava lea ni moliaga ua faaulu atu e le itu o loo molia poo se counter petition faasaga i lē ua faauluina le tagi tau palota.
