O le pulenuu o le aai o Niu Ioka i Amerika e suafa ia Zohran Mamdani lea sa ia folafola i le taimi ua sola, o le a pu’eina le Palemia o Isaraelu, Benjamin Netanyahu pe a toe asiasi atu i Niu Ioka, ua ia toe faailoa mai nei i se video i luga o le social media ua lē mafai ona ia toe faatino lea tulaga, ae ua ia valaau i leoleo Amerika ia gaioi e tusa ma poloa’iga a le Faamasinoga Faavaomalo mo soligatulafono, le International Criminal Court poo le ICC ma pu’eina le Palemia o Isaraelu ona o soligatulafono o taua e pei ona feta’ua’ina ai.
O le tulaga o loo iai afai ae tuvae Netanyahu i se atunuu o loo avea ma sui o le ICC, e mafai ona pu’eina ai o ia ma tuu atu i le faamasinoga peita’i o Amerika e lē o se sui o le ICC.
Fai mai Trump i le matāupu lea, e leai se auala poo se faiga e mafai ona pu’eina ai Netanyahu pe a malaga atu i Amerika.
Fai mai Trump i le BBC, o Netanyahu o loo tau faasaga ia Iran, le atunuu na o latou fasiotia talu ai nei le silia i le 52 afe tagata o le atunuu na tetee ia i latou ma ua tele tausaga ua tuana’i sa o latou fasioti ai fitafita a Amerika ma isi.
Ina ua fesiligia e le ‘autusitala le amepasa o Isaraelu i Malo Aufaatasi, Danny Danon i le matāupu lea, na ia saunoa ai ia Mamdani, o ia na filifilia e auauna i tagata Niu Ioka ae lē o fuafuaga a le Hamas.
Puna o Faamatalaga: https://www.bbc.com/news/articles/c204p64pqzno
