E to’afā sui fou ua filifilia nei mo le All Blacks ma o le a taaalo uma latou nei mo le latou ulua’i taimi i le All Blacks i le taamilosaga o le Nation’s Championship i le masina a sau nei.
O wingers a le Hurricanes o Josh Moorby ma Fehi Fineanganofo, ma le latou prop le alii o Xavier Numia lea ua filifilia mo le ulua’i taimi, faapea le loose forward a le Blues le alii o Anton Segner, ma ua sauni nei e taaalo e faafeto’ai ‘au a Falani, Italia ma Aialani i le masina fou.
Mo le ‘au atoa e to’a 34 a le Olopeleki e aofia ai ma le to’afā o alii fou ua filifilia nei, o le aofa’i lenei o tama ua filifilia mai kalapu lakapi eseese i totonu o le atunuu.
Hurricanes (11)
Chiefs (11)
Crusaders (5)
Blues (5)
Highlanders (1)
Moana Pasifika (1)
O le alii o Ardie Savea mai le Moana Pasifika, o ia lea o le a kapeteniina le Olopeleki i ana taaloga amata o le a aga’i atu iai.
Puna o Faamatalaga: https://www.nzherald.co.nz/sport/rugby/all-blacks/meet-the-four-all-blacks-debutants-named-for-nations-championship-tests/QGVPEVW6LNEGVHC6N5KH4EKMVA/
